31 Mart 2020

00:00:00 (GMT+5)

Toshkent +18,4 °C

Sport
12 Mart  2020 357

Bokschilarimiz Iordaniyada uchta oltin va 7 ta olimpiada yo‘llanmasini qo‘lga kiritdi

Iordaniyaning Amman shahrida boks bo‘yicha Tokio-2020 olimpiadasiga litsenzion turnir yakunlandi. Unda o‘zbekistonlik charm qo‘lqop ustalaridan uch nafari – Mirazizbek Mirzaxalilov, Elnur Abduraimov hamda Bahodir Jalolov o‘z vazn toifalarida oltin medalga sazovor bo‘ldi.

 

-57 kg vazn toifasida M.Mirzaxalilov iordaniyalik Muhammad Alvadiga qarshi ringga ko‘tarildi va 5:0 hisobida yaqqol ustunlik bilan g‘alabaga erishdi. -63 kg vazn toifasidagi vakilimiz E.Abduraimov esa finalda qozog‘istonlik Zokir Safiullin bilan to‘qnash keldi. Murosasiz kechgan jangda hamyurtimizning qo‘li baland keldi – 3:2. Shunday qilib, Abduraimov terma jamoamiz hisobiga ikkinchi oltin medalni qo‘shib qo‘ydi. Nihoyat +91 kg vazn toifasida B.Jalolov avstraliyalik Yustis Xuni ustidan 5:0 hisobida g‘alabaga erishdi.

Shu tariqa boks bo‘yicha olimpiada litsenzion turnirida O‘zbekiston terma jamoasi uchtadan oltin va bronza medali bilan umumjamoa hisobida 1-o‘rinni egalladi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech