03 Dekabr 2020

00:00:00 (GMT+5)

Toshkent +3,2 °C

Mamlakatimizda
22 May  2020 852

Erondan issiq havo kirib kelyapti

Respublikamiz hududida dam olish kunlari havoning iliq va quruq boʻlishi kutilyapti.

Bugun Eron hududidan Oʻzbekistonning shimoliy va janubiy hududlariga quruq va iliq havo oqimi kirib keladi. Respublika boʻyicha havoning ochiq boʻlishi kutilmoqda. Termometr ustunchasi kunduz kuni 28-31 darajagacha koʻtariladi. Respublikaning shimoliy, choʻl zonalari va janubida harorat bundan ham issiq, yaʼni 33-35 darajani tashkil etadi.

23-24-may kunlari Oʻrta Osiyo hududi ustidagi janubiy oqimlar kuchayib, havo haroratining koʻtarilishi davom etadi. Kechasi harorati 15-18 daraja, kunduzi 35-37 darajagacha, shimoliy, janubiy va choʻl zonalarida esa 38-40 darajagacha koʻtariladi. Bunday harorat oʻrtacha koʻp yillik koʻrsatkichlardan 4-6 darajaga yuqori boʻlib, eng issiq yillarda shu kunda kuzatilgan haroratga yaqin boʻladi.

Respublikaning shimoli va choʻl zonalarida shamolning tezligi sekundiga 17-22 gacha kuchayadi, deb xabar beradi Oʻzbekiston gidrometeorologiya markazi.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech