25 Fevral 2020

00:00:00 (GMT+5)

Toshkent +8,8 °C

Transport
15 Iyul  2019 901

OAVda tarqalgan xabar bo‘yicha “O‘zbekiston temir yo‘llari” AJ munosabat bildirdi

Ijtimoiy tarmoqlar va elektron OAVlarda “O‘zbekiston temir yo‘llari” AJ tomonidan tadbirkorlarga o‘z xizmatlarini o‘tkazishga harakat qilinayotgani haqidagi xabarlar bo‘yicha jamiyat munosabat bildirdi.

O‘zbekiston Respublikasi “Temir yo‘l transporti to‘g‘risidagi” Qonunining 11-moddasiga asosan va temir yo‘l Ustavining 18-33 bandlariga binoan yuklarni temir yo‘l orqali tashish yuk jo‘natuvchining buyurtmanomasiga muvofiq amalga oshiriladi.

Ushbu Qonunning 13-moddasiga muvofiq temir yo‘l transportida ko‘rsatilayotgan xizmatlar haqi va tariflar miqdorini belgilash O‘zbekiston Respublikasi Vazirlar Mahkamasi tomonidan o‘rnatilgan tartibda amalga oshirish ko‘zda tutilgan. Ushbu moddaning 3-xatboshiga asosan, qo‘shimcha ko‘rsatilgan xizmatlar haqi shartnoma asosida amalga oshirilishi belgilab qo‘yilgan.

Tadbirkorlarga keng imkoniyatlar va imtiyozlar yaratish maqsadida “O‘zbekiston temir yo‘llari” AJ hamda O‘zbekiston Respublikasi monopoliyadan chiqarish va raqobatni rivojlantirish Davlat qo‘mitasi bilan birgalikda 2011-yilning 25-noyabrida temir yo‘l transportida qo‘shimcha xizmatlar turlarining ro‘yxati tasdiqlangan. Bugungi kunga qadar “O‘zbekiston temir yo‘llari” AJ mazkur shartnoma asosida mijozlarga xizmat ko‘rsatib kelmoqda.

Temir yo‘l transportida ko‘rsatiladigan qo‘shimcha xizmatlarning tasdiqlangan turlari jumlasidan “Vagonlarga belgi qo‘yish” qo‘shimcha xizmati turi mavjud bo‘lib, u yuk jo‘natuvchi va yuk oluvchi bo‘lgan yuridik va jismoniy shaxslar bilan tuzilgan shartnoma asosida amalga oshiriladi.

Yuk jo‘natuvchining bergan buyurtmanomasi asosida vagonlar tarkibidan kerakli miqdorda shartli belgi qo‘yilib, vagonlar ajratib olinadi va ushbu belgi asosida temir yo‘l shohobchasiga yetkaziladi.

“Farg‘ona neftni qayta ishlash zavodi” MChJ va “O‘zbekiston temir yo‘llari” AJ Qo‘qon mintaqaviy temir yo‘l uzeli Unitar korxonasi bilan munosabatlar 2018-yil 9-fevraldagi 122/pr-02 sonli o‘zaro tuzilgan shartnoma asosida amalga oshirib kelinmoqda. Ushbu shartnomaning 3.2-bandiga ko‘ra,  shartnomadan kelib chiqadigan  barcha kelishmovchiliklar ikki tomon o‘rtasida muzokaralar va da'vo arizalari bilan hal etilishi ko‘zda tutilgan.

Shunga qaramay, “Farg‘ona neftni qayta ishlash zavodi” MChJ qo‘shimcha xizmatiga xaq undirish bo‘yicha e'tirozni Qo‘qon mintaqaviy temir yo‘l uzeli Unitar korxonasiga, shartnomaga asosan yozma ravishda murojaat qilmasdan, ya'ni ikki tomonlama ko‘rilmasdan, shartnomaga zid ravishda, ushbu masala yuzasidan O‘zbekiston Respublikasi xususiylashtirilgan korxonalarga ko‘maklashish va raqobatni rivojlantirish Davlat Qo‘mitasiga xat bilan shikoyat qilgan.

O‘zaro olib borilgan muzokaralardan so‘ng 2019-yilning 7-may kuni “Farg‘ona neftni qayta ishlash zavodi” MChJ rahbariyati tomonidan, O‘zbekiston Respublikasi xususiylashtirilgan korxonalarga ko‘maklashish va raqobatni rivojlantirish Davlat Qo‘mitasi nomiga yuborilgan xatda, “O‘zbekiston temir yo‘llari” AJ bilan ko‘tarilgan masala bo‘yicha aniqlik kiritilgani sababli shikoyat xatini e'tiborsiz qoldirilishini so‘ragan.

O‘zbekiston Respublikasi xususiylashtirilgan korxonalarga ko‘maklashish va raqobatni rivojlantirish Davlat Qo‘mitasi, Farg‘ona neftni qayta ishlash zavodi MChJ rahbariyatining yozma murojaatiga qaramay, “O‘zbekiston temir yo‘llari” AJga 61,7 mln. so‘m mablag‘ni “Farg‘ona neftni qayta ishlash zavodi” MChJga qaytarib berish bo‘yicha qaror qabul qilgan.

Shu o‘rinda ta'kidlash joizki, bugungi kunda asossiz ravishda undirilgan deb hisoblangan 61,7 mln. so‘m mablag‘ to‘g‘ri hisoblanganligi sababli “O‘zbekiston temir yo‘llari” AJ tomonidan Farg‘ona neftni qayta ishlash zavodi MChJ bilan o‘zaro  kelishuv tuzildi.

Qayd etish joiz, “O‘zbekiston temir yo‘llari” AJ temir yo‘l tizimidagi xizmatlarini amaldagi xalqaro va mahalliy  me'yoriy hujjatlarga tayangan xolda shaffoflilik bilan olib borilishiga qat'iy e'tibor qaratib faoliyat yuritadi, deyiladi “O‘zbekiston temir yo‘llari” AJ matbuot xizmati xabarida.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech