23 Avgust 2019

00:00:00 (GMT+5)

Toshkent +31,7 °C

Kеyingi avlod
6 Avgust  2019 395

O‘zbekiston yoshlari umumjahon assotsiatsiyasi Maslahat kengashi tashkil etildi

O‘zbekiston yoshlari umumjahon assotsiatsiyasi faoliyatini qo‘llab-quvvatlash va samaradorligini oshirish chora-tadbirlari to‘g‘risidagi Hukumat qarori qabul qilindi (649-son, 05.08.2019 y.), Bu haqda “Huquqiy axborot” kanali xabar qiladi.

Qarorga muvofiq, O‘zbekiston yoshlari umumjahon assotsiatsiyasi Maslahat kengashi tashkil etildi.

Qaror bilan quyidagilar tasdiqlandi:

- O‘zbekiston yoshlari umumjahon assotsiatsiyasi Maslahat kengashi to‘g‘risidagi nizom;

- Maslahat kengashi tarkibi;

- Assotsiatsiya faoliyatini qo‘llab-quvvatlash va samaradorligini oshirish bo‘yicha amalga oshiriladigan chora-tadbirlar dasturi.

Qaror bilan tasdiqlangan nizomga ko‘ra, Maslahat kengashining asosiy vazifalaridan biri Assotsiatsiyani xorijga ta'lim olish va ishlash uchun chiqib ketgan hamda chiqishni rejalashtirgan o‘zbekistonlik yoshlarning ko‘makchisi va tayanchiga aylantirishdan iborat.

Maslahat kengashi o‘ziga yuklangan vazifalarning bajarilishi bo‘yicha Prezident Administratsiyasi va Hukumatga har olti oyda axborot kiritadi.

Qaror bilan tasdiqlangan chora-tadbirlar dasturida har chorakda “Yoshlar bilan ochiq muloqot kunlari”ni tashkil etish hamda “Yosh vatandoshlar” xalqaro festivalini o‘tkazish kabilar nazarda tutilgan. 

Shuningdek, Assotsiatsiya vakolatiga kiradigan masalalar yuzasidan yordam ko‘rsatish uchun kunu tun xizmat ko‘rsatuvchi ishonch telefoni va maxsus veb-portal ishga tushiriladi.

 

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech