28 Sentyabr 2020

00:00:00 (GMT+5)

Toshkent +13,4 °C

Xavfsizlik
8 Yanvar  2020 2545

Qarshidagi bog‘chada qotillik sodir etildi. MTV hodisa bo‘yicha axborot berdi

2019-yilning dekabr oyi oxirida internet tarmoqlarida Qashqadaryo viloyati Qarshi shahridagi “Yulduzcha” maktabgacha ta’lim tashkilotining omborxona mudiri o‘ldirilgani to‘g‘risida axborot tarqaldi.

Maktabgacha ta’lim vazirligi tomonidan e’lon qilingan ma’lumotda aytilishicha, jinoyat 2019-yilning 18-dekabrida tashkilotda kir yuvuvchi xodim ayolning turmush o‘rtog‘i tomonidan sodir etilgan. Voqeada bolalar jabrlanmagan.

Ayni paytda prokuratura tomonidan O‘zbekiston Respublikasi Jinoyat kodeksining 97-moddasiga (javobgarlikni og‘irlashtiradigan holatlarda qasddan odam o‘ldirish) muvofiq jinoyat ishi qo‘zg‘atilgan. Ushbu jinoyatni sodir etganlik uchun o‘n besh yildan yigirma besh yilgacha ozodlikdan mahrum qilish jazosi belgilanadi.

Vazirlik xabarida aytilishicha, “Yulduzcha” MTT idoraviy tashkilot hisoblanib, Qashqadaryo viloyati Ichki ishlar boshqarmasi yurisdiksiyasi doirasida joylashgan. Tarbiyalanuvchilarni qabul qilish, shuningdek xodimlarni ishga qabul qilish va ishdan bo‘shatish Ichki ishlar boshqarmasining tuman bo‘limi tomonidan amalga oshiriladi.

Maktabgacha ta’lim vazirligi tomonidan ushbu MTTga IIB ruxsati bilan metodik yordam ko‘rsatiladi.

Bildirilishicha, Maktabgacha ta’lim vazirligi tomonidan MTTda xavfsizlikni oshirish yuzasidan ishlar amalga oshirilmoqda. Maktabgacha ta’lim vazirining 2019-yil 14-oktyabrdagi 188-sonli buyrug‘iga muvofiq qo‘riqchilar uchun qo‘shimcha ish stavkalarb joriy etilishi munosabati bilan MTTlar endi dam olish va bayram kunlarida ham qo‘riqlanadi.

Bundan tashqari, MTVning ishchi guruhi tomonidan maktabgacha ta'lim tashkiloti hududiga begona shaxslarning kirishini tartibga soluvchi hujjat ishlab chiqilmoqda.
“Qarshi shahrida sodir etilgan holatdan kelib chiqqan holda, tarbiyalanuvchilar xavfsizligi maqsadida qo‘shimcha cheklovlar joriy etilishi lozim.

Bu ruhiy jihatdan nosog‘lom, jinoyat sodir etishga moyilligi bor, yuqumli va boshqa kasalliklar bilan kasallangan shaxslarning bolalar oldida bo‘lishi xavfini kamaytiradi. Hujjatning loyiha variantida tashrif buyuruvchilar MTTga tashrif buyurish sababi mavjud bo‘lgan holda mudir hamrohligida tashkilotga kira olishi nazarda tutilmoqda.

Maktabgacha ta’lim tashkilotida faoliyat olib boruvchi er-xotin yoki qarindoshlar yoniga tashrif buyurishi sabab hisoblanmaydi. Maktabgacha ta’lim vazirligi jinoyat qurbonining oilasiga hamdardlik bildiradi”, deyiladi ma’lumotda.

O‘xshash yangiliklar

Belgilangan matnni tinglash uchun quyidagi tugmani bosing Powered by GSpeech