23 Сентябрь 2019

00:00:00 (GMT+5)

Тошкент +21,3 °C

Хавфсизлик
3 Апр  2019 1246

3,5 миллиард сўмлик товар-моддий бойликларининг яширин айланмасига чек қўйилди

Давлат божхона хизмати органлари томонидан божхона тўғрисидаги қонун ҳужжатларини бузиш ҳолларининг олдини олиш, уларни аниқлаш ва уларга чек қўйиш борасида кенг кўламли чора-тадбирлар амалга оширилмоқда. Натижада, давлат бюджетига ундирилиши лозим бўлган божхона тўловларидан бўйин товлашга уринган  қонунбузарларнинг қилмишлари ўз вақтида фош қилинмоқда.

 

Яқинда Давлат божхона қўмитасининг Контрабанда ва божхона қонунчилиги бузилишига қарши курашиш бошқармаси томонидан фош этилган қонунбузарлик ҳолатларида муқаддам йўллар орқали олиб кирилган қиймати 3,5 миллиард сўмлик товар-моддий бойликларнинг яширин айланмасига чек қўйилди.

Намангандан пойтахт томон йўлга чиққан фуқаро Ж.М. бошқарувидаги “Исузу” русумли юк автотранспорт воситаси Ўртачирчиқ тумани ҳудудида тўхтатилиб, холислар иштирокида кўздан кечирилди. Сиртдан қаралганда автомашина юкхонасига Ўзбекистонда ишлаб чиқарилган турли кийим-кечаклар ортилгандек туюлса-да, аслида бу товарлар ортига хорижда ишлаб чиқарилган ва божхона расмийлаштирувини тасдиқловчи ҳужжатлари бўлмаган 7 турдаги товарлар яширилган экан.

Товарларнинг асосий қисмини 14 минг донадан ортиқ сифати кафолатланмаган дори воситалари ва тиббиёт буюмлари ташкил қилиб, уларни сақлаш ва ташиш қоидаларига умуман риоя қилинмаган. Шунингдек, 2 турдаги 301 дона электр ҳисоблагичлар, 20 дона телевизорлар, 494 дона турли хилдаги аёллар ва эркаклар кийим-кечаклари, 7200 қути сақичлар, 31 дона биологик фаол қўшимчалар ва бошқа товарлар борлиги аниқланди.

Мазкур товар-моддий бойликларнинг  умумий қиймати дастлабки ҳисоб-китобларга кўра тахминан  1 миллард 67 миллион сўмдан ошади.

Ушбу қонунбузарлик ҳолатини илдизи билан бартараф қилиш мақсадида ушбу шахс истиқомат қилаётган Наманган шаҳридаги хонадони ҳам белгиланган тартибда ва холислар иштирокида кўздан кечирилди.

Қарангки, ушбу ҳовли муқаддам айланма йўллар орқали олиб кирилган товарлар яширинча сақланаётган омборга айланиб улгурган экан. Кўздан кечириш давомида бу ерда 9 турдаги 19 минг донадан ортиқ дори воситалари ҳамда 13,8 минг донадан ортиқ флешкарталар борлиги аниқланди. Мазкур товар-моддий бойликларнинг умумий қиймати эса дастлабки ҳисоб-китобларга кўра 1 миллирд 434 миллион сўмдан ошади.

Шунингдек, Тошкент шаҳар божхона бошқармаси Контрабанда ва божхона қонунчилиги бузилишига қарши курашиш бўлими ходимлари билан ҳамкорликда аниқланган яна бир қонунбузилиш ҳолатида қиймати 1 миллиард сўмдан зиёд бўлган товар-моддий бойликларнинг ноқонуний олиб кирилиши олди олинди.

Пойтахтимизда якка тартибдаги тадбиркорлардан бирининг номига хориждан келтирилган канцелярия товарларини кўздан кечириш давомида божхона юк декларацияси ва йўл-юк кузатув ҳужжатларида кўрсатилган товарлар билан контейнердаги товарлар ўртасида катта тафовутлар борлиги маълум бўлди.

Аниқланишича, оғирлиги салкам 10 тонна бўлган 266 минг донадан ортиқ канцелярия товарлари ҳужжатларда умуман кўрсатилмагани маълум бўлди.

Ҳозирда юқоридаги ҳолатлар юзасидан божхона текширувлари давом эттирилмоқда.

Ҳусан Тангриев

Давлат божхона қўмитаси

Ахборот хизмати бош инспектори

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech