24 Январь 2020

00:00:00 (GMT+5)

Тошкент +5,3 °C

Хавфсизлик
6 Дек  2019 609

Антиқа усул, буви неварасининг таглиги орасига 1 кг.дан ортиқ тиллани яширди

Тошкент вилояти божхона бошқармаси “Ғишткўприк” чегара божхона постида қўшни давлатга чиқиб кетаётган аёллардан бири тилла тақинчоқларни яширинча олиб чиқиш учун 2 ёшли неварасидан фойдаланмоқчи бўлгани аниқланди, деб хабар қилади Давлат божхона қўмитаси.

Яъни, ушбу аёл неварасининг йўргаги – таглиги орасига тилладан ишланган 6 дона занжир, 4 дона билагузук ва 1 дона узукни яширган ҳолда ноқонуний олиб ўтмоқчи бўлган.

Божхона ходимларининг оғзаки сўровида ва йўловчи божхона декларациясида маълум қилинмаган мазкур заргарлик буюмларининг умумий оғирлиги 1 кг. 115 гр.ни, дастлабки ҳисоб-китобларга кўра жами қиймати эса 334 млн. 500 минг сўмни ташкил қилиши маълум бўлди.

Ҳозирда мазкур ҳолат юзасидан божхона текширувлари давом эттирилмоқда.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech