08 Декабрь 2019

00:00:00 (GMT+5)

Тошкент +3,7 °C

Мамлакатимизда
14 Авг  2019 927

Олдиндан тўлов талаб қилинмоқда, аммо хизмат кўрсатилмаяпти

Бугунги кунда республикамизда лицензияга эга 61 та хусусий бандлик агентликлари фаолият юритаётган бўлиб, айрим хусусий бандлик агентликлари томонидан фуқароларга ишга жойлашиш борасида хизматлар кўрсатилиши учун улардан олдиндан 100 фоиз тўловларни амалга ошириш талаб этилмоқда ва ундирилган тўловлар эвазига фуқароларни ишга жойлаштириш хизматлари кўрсатилмай қолмоқда.

Натижада фуқаролар томонидан хусусий бандлик агентликларига тўлаган маблағларини қайтариш талаб этилганда, ушбу маблағлар қайтарилмаяпти ёки хизматлар кўрсатилмаган бўлсада, маблағларнинг маълум бир қисми асоссиз ушлаб қолинмоқда.

Шу сабабли Ўзбекистон Республикасининг “Хусусий бандлик агентликлари тўғрисида”ги Қонунининг 20-моддаси ҳамда Вазирлар Маҳкамасининг 2018 йил 12 сентябрдаги 725-сон қарори билан тасдиқланган “Ўзбекистон Республикасидан ташқарида иш излаётган шахсларни ишга жойлаштириш бўйича фаолиятни лицензиялаш тартиби тўғрисидаги Низом”га мувофиқ вазирлик томонидан фуқароларнинг қонуний ҳуқуқ ва манфаатлари ҳимоясини таъминлаш мақсадида бир қатор хусусий бандлик агентликларининг фаолиятини текшириш режалаштирмоқда.

Текшириш якуни бўйича қонунбузилиш ҳолатларига йўл қўйган хусусий бандлик агентликларининг лицензиясини тўхтатиш, тугатиш, бекор қилиш масаласи кўриб чиқилади, шунингдек Низом ва Битим талабларини бузган хусусий бандлик агентликлари бўйича тўпланган ҳужжатлар ва маълумотлар ҳуқуқни муҳофаза қилиш органларига юборилади. Бу ҳақда Бандлик ва меҳнат муносабатлари вазирлиги матбуот хизмати маълум қилмоқда.

Текшириш режалаштирилган Хусусий бандлик агентликлари рўйхати қуйидаги ҳавола бўйича кўриш мумкин:

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech