19 Октябрь 2019

00:00:00 (GMT+5)

Тошкент +11,9 °C

Саломатлик
10 Июн  2019 872

Ўтган 5 ойда тез тиббий ёрдамга 4 миллиондан ортиқ мурожаат бўлган

Тез тиббий ёрдам хизматининг махсус автотранспортга бўлган талаби мамлакатимиз тарихида биринчи марта тўлиқ ҳажмда  қопланди. Яъний 1500  та янги автомашиналарни ҳарид қилиш эвазига уларнинг умумий сони 2400 га етказилди. Янги ҳарид қилинган 231 та замонавий реанимобил 4,1 миллион АҚШ доллари миқдоридаги зарур асбоб-ускуналар билан тўлиқ жиҳозланди. Кейинги босқичда яна 1200 та тез тиббий ёрдам машинасини тўлиқ ва 712 та автомобилни қўшимча жиҳозлаш режалаштирилган.

Бу ҳақда Соғлиқни сақлаш вазирлиги томонидан тез тиббий ёрдам хизматини такомиллаштириш чора-тадбирларига бағишланган  матбуот анжуманида сўз юритилди.

Тез тиббий ёрдам хизматини автотранспорт билан тўлиқ таъминланиши бригадаларнинг чақириқларга кечикиши ҳолатларини кескин камайтирди. Кечикиш ҳолатларини янада камайтириш мақсадида мавжуд 2400 дан ортиқ бригададан 1513 таси  узоқ ҳудудларда жойлашган аҳоли пунктларига яқинлаштирилди. Тез тиббий ёрдам хизматини дори воситалари ва тиббиёт буюмлари билан таъминлаш жараёнини марказлаштириш натижасида бир чақириқнинг дори воситалари бўйича қийматини ҳар йили камида икки баробар ошириб боришга эришилди ва жорий йилда ушбу кўрсаткич  5800 сўмни ташкил қилмоқда. Тез тиббий ёрдамни ривожлантириш жамғармасини фаолият кўрсатаётганлиги ҳам  соҳа ривожида муҳим ўрин тутмоқда.

Анжуманда эътироф этилганидек, Шошилинч тиббий ёрдам тизими соғлиқни сақлаш соҳасидаги энг йирик ва кучли ижтимоий аҳамиятга эга тузилма ҳисобланади. Биргина ўтган йилда ушбу тизим муассасаларига жами 13 миллиондан зиёд беморлар мурожаат қилган бўлиб, шулардан 9,8 миллион нафарга яқини  “103” хизмати бўйича ва 3,3 миллионга яқини стационар тузилмаларга мурожаат қилишган. 2019 йилнинг ўтган 5 ой мобайнида эса умумий мурожаатлар сони 4 миллионда зиёдни ташкил этиб, 1,2 миллиондан ортиқ беморга стационар муассасаларда ёрдам кўрсатилди. 

Республика шошилинч тиббий ёрдам илмий маркази, унинг филиаллари ва субфилиалларида йилига 300 мингдан ортиқ беморга стационар шароитда мураккаб хирургик амалиётлар ўтказилмоқда. Кўрсатилаётган хизматлар кўлами ва аҳамиятини эътиборга олган ҳолда аҳолига шошилинч ва тез тиббий ёрдамни янада такомиллаштириш чора-тадбирлари юзасидан қатор ҳуқуқий ҳужжатлар қабул қилинаётгани ҳам тез тиббий ёрдам хизматининг моддий-техник базасини ривожлантириш ва унинг фаолияти самарадорлигини оширишда муҳим аҳамият касб этаяпти.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech