23 Сентябрь 2019

00:00:00 (GMT+5)

Тошкент +21,3 °C

Мамлакатимизда
13 Июн  2019 810

Тошкентдаги 2 та олий ўқув юртининг Шаҳрисабзда филиали ташкил этилди

Ҳукумат қарорлари билан Низомий номидаги Тошкент давлат педагогика университети ҳамда Тошкент кимё-технология институтининг Шаҳрисабз филиаллари ташкил этилди (2019 йил 11 июнь, 488-, 489-сон), деб хабар бермоқда “Ҳуқуқий ахборот” канали.

Қарор билан Филиалларнинг асосий вазифалари белгилаб берилди.

Мазкур Филиалларда ўқув жараёни 2019/2020 ўқув йилидан бошланади ҳамда талабаларни қабул қилиш сони белгиланган тартибда ҳар йили тасдиқланадиган республика олий таълим муассасаларига ўқишга қабул қилиш квоталаридан келиб чиққан ҳолда белгиланади.

Шунингдек, қарор билан ушбу Филиалларнинг васийлик кенгаши таркиби тасдиқланди.

Қарши давлат университети қошидаги Шаҳрисабз академик лицейининг бино ва иншоотлари  – Низомий номидаги Тошкент давлат педагогика университети Филиалига, Шаҳрисабз енгил саноат касб-ҳунар коллежи бино ва иншоотлари эса Тошкент кимё-технология институти Филиалига берилди.

Мазкур академик лицей ва касб-ҳунар коллежи ўқувчилари ўқишни битиргунларига қадар Филиал биноларида ўқув жараёнини давом эттиради.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech