23 Май 2019

00:00:00 (GMT+5)

Тошкент +10,2 °C

Ҳарбий
25 Янв  2019 5091

Янги ташкил этилган ҳарбий институтга номзодлар қандай танлаб олинади?

Ўзбекистон Президентининг тегишли қарорига кўра, Муҳаммад ал-Хоразмий номидаги Тошкент ахборот технологиялари университетининг Махсус факультети базасида ташкил этилган Мудофаа вазирлиги Ахборот-коммуникация технологиялари ва алоқа ҳарбий институтида 2018/2019 ва 2019/2020 ўқув йилларида ушбу билим юртининг тўртинчи ва бешинчи босқич курсантлари таълим олиши амалдаги ўқув дастурлари бўйича тугалланади. Бу ҳақда Мудофаа вазирлиги матбуот хизмати​ хабар қилди.

Шунингдек, Тошкент ахборот технологиялари университетининг Махсус факультетига 2016, 2017 ва 2018 йилларда ўқишга кирган, тегишли равишда учинчи, иккинчи ва биринчи босқич талабаларининг ўқиши Тошкент ахборот технологиялари университети базасида «Телекоммуникация технологиялари» таълим йўналиши бўйича, тегишли равишда 2019/2020, 2020/2021 ва 2021/2022 йиллардан бошлаб эса Ҳарбий институт базасида амалга оширилади.

2022/2023 ўқув йилидан бошлаб эса Ҳарбий институтга номзодларни саралаш танлов асосида республиканинг муҳандислик-техник олий таълим муассасаларининг 3-босқичини тугатган, ўқиш якунлари бўйича юқори натижаларга эришган, Ҳарбий институтда ўқишни давом эттириш ҳамда келгусида шартнома бўйича ҳарбий хизмат ўташ истагини билдирган, шунингдек, соғлиғининг ҳолатига кўра ҳарбий хизматга яроқли деб топилган номзодлар таркибидан амалга оширилади.

Мазкур ҳарбий институтда ўқиш Ўзбекистон Президенти томонидан тасдиқланган Ўзбекистон Республикаси фуқаролари томонидан ҳарбий хизматни ўташ тартиби тўғрисидаги низомга мувофиқ ҳарбий хизматни ўташ билан тенглаштирилади.

Ҳарбий институт битирувчиларига “лейтенант” ҳарбий унвони ва давлат намунасидаги диплом берилади.

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech