26 Июнь 2019

00:00:00 (GMT+5)

Тошкент +23 °C

Саломатлик
11 Мар  2019 1091

Юртимизда ҳар йили 700 минг нафар ҳомилардор аёллар юз фоиз скрининг текшируви билан қамраб олинади

Давлатимиз раҳбарининг 2017 йил 25 декабрда қабул қилинган “2018 – 2022 йиллар даврида болаларда туғма ва ирсий касалликларни барвақт аниқлаш Давлат дастури тўғрисида”ги қарори билан болаларда генетик синдромларни эрта ташхислаш, наслий касалликларга қарши оммавий скрининг текширувларини ўтказиш бўйича амалга ошириладиган муҳим вазифалар белгилаб берилган эди.

 

Шунингдек, ушбу дастурда замонавий скрининг хизматидан мамлакатимизнинг энг олис туманларида яшовчи аҳоли ҳам тўлиқ баҳраманд бўлишини таъминлаш кўзда тутилган бўлиб, ушбу вазифалар ижроси доирасида Соғлиқни сақлаш вазирлиги томонидан ҳомиладор аёлларни ультратовуш текширувидан тўлиқ ўтказиш тизими йўлга қўйилиб, бу борада барча чора-тадбирлар амалга оширилмоқда.

– Президентимиз  ташаббуси билан Давлат бюджети ҳисобидан дунёдаги нуфузли “General Electric” компаниясининг энг замонавий 200 та ультратовуш текшируви аппаратлари харид қилинди. Мамлакатимизнинг барча туман ва шаҳар кўп тармоқли марказий поликлиникаларининг пренатал ташхис хоналари юқори технологик имкониятга эга бўлган ушбу аппаратлар билан жиҳозланди,– дейди Соғлиқни сақлаш вазири Алишер Шадманов. – Натижада, илгари ҳомиладор аёллар пойтахтимиз ёки вилоят марказларига сарсон бўлиб, келиб-кетишган бўлса, ҳозирда бунга ҳожат қолмади. Бундан ташқари, авваллари ҳомиладор аёлларимиз ультратовуш текшируви билан 40-50 фоиз қамраб олинган бўлса, айни пайтда юртимизда ҳар йили ўртача 700 минг нафар ҳомилардор аёлларимиз юз фоиз скрининг текшируви билан қамраб олинади. Энг муҳими, 14 ҳафтагача бўлган муддатдаги ҳомила ўсишида туғма нуқсонларни барвақт аниқлаш, ўлимга олиб борадиган нуқсонларга эга болалар туғилишининг тўлиқ олдини олиш имкони пайдо бўлди. Эндиликда шифокорларимиз янада масъулиятли бўлиши баробарида, ҳомиладор аёлларимиз ҳам ўз вақтида скрининг текширувидан ўтишга эътиборли бўлиши лозим.    

Соғлиқни сақлаш вазирлиги

Матбуот хизмати

Ўхшаш янгиликлар

Белгиланган матнни тинглаш учун қуйидаги тугмани босинг Powered by GSpeech